Münaqişənin qarşısını almaq daha ucuzdur: Tokayev CICA çərçivəsində yeni mexanizm təklif etdi

Qazaxıstan Prezidenti Qasım-Comart Tokayev Asiyada Qarşılıqlı Fəaliyyət və Etimad Tədbirləri Şurasının (CICA) VII Sammitində çıxış etdi. O, təhlükəsizlik məsələsinin CICA-nın fəaliyyətinin əsas prioritetlərindən biri olduğunu xatırlatdı.

Tokayev bildirdi ki, Təşkilat mübahisələrin dinc yolla tənzimlənməsinə, silahsızlanmaya və sülhün möhkəmləndirilməsinə əhəmiyyətli töhfə verə bilər. O, BMT, Şanxay Əməkdaşlıq Təşkilatı, MDB və digər beynəlxalq institutlarla əlaqə quraraq CICA-nın Asiyada və ondan kənarda ziddiyyətlərin aradan qaldırılmasında daha fəal rol oynamalı olduğunu vurğuladı. Konkret addım kimi o, Preventiv diplomatiya mexanizminin işə salınmasını təklif etdi.

“Münaqişənin qarşısını almaq onun nəticələrini aradan qaldırmaqdan daha effektiv və ucuz başa gəlir”, – deyə Tokayev qeyd etdi. Onun sözlərinə görə, bu mexanizm üzv ölkələrə qərarların qəbul edilməsinə sistemli şəkildə qoşulmağa və bəyannamə qəbul etməkdənsə, razılaşdırılmış fəaliyyətə keçməyə imkan verəcək. Xatırladaq ki, 14 oktyabrda Dövlət başçısı CICA-nın 7-ci Sammitində iştirak etmək üçün Bakıya iş səfərinə gedib.