Алиев: Трансказпий оптикалык кабели Борбордук Азия менен байланышты бекемдейт

Азербайжан Президенти Ильхам Алиев Трансказпий оптикалык талчалуу кабель линиясынын ишке киргизилиши Борбордук Азия менен Азербайжандын ортосундагы кызматташтыкты бекемдөөдөгү дагы бир кадам экенин айтты.

Report басылмасынын маалыматына ылайык, Алиев бул линиянын расмий онлайн ишке киргизилишине байланыштуу Казакстан Президенти Касым-Жомарт Токаев менен биргеликте билдирүү берди. Азербайжан президенти өткөн жылдын ноябрь айында Азербайжандын Консультативдик жолугушууларга толук укуктуу мүчө катары кабыл алынганын, ал эми быйыл бул форматка толук мүчө катары катышып жатканын эске салды.

Алиев бул кабелди Борбордук Азия жана Түштүк Кавказ өлкөлөрү, ошондой эле кеңири географияда пайдаланарын белгилеп: «Бул биздин кызматташтыгыбызды бекемдөөгө дагы бир салым. Ошондуктан бүгүн биз глобалдык долбоорду ишке киргиздик» деди.