Әлиев: Трансқаспий оптикалық талшықты кабель Орталық Азиямен байланысты нығайтады

Әзірбайжан Президенті Ильхам Әлиев Трансқаспий оптикалық талшықты кабель желісінің іске қосылуы Орталық Азия мен Әзірбайжан арасындағы ынтымақтастықты нығайтудағы тағы бір қадам екенін айтты.

Report басылымының хабарлауынша, Әлиев желінің ресми онлайн іске қосылуына орай Қазақстан Президенті Қасым-Жомарт Тоқаевпен бірлесіп мәлімдеме жасады. Әзірбайжан президенті өткен жылдың қарашасында Әзірбайжанның Консультативтік кездесулерге толық құқылы мүше ретінде қабылданғанын және биыл бұл форматқа толық мүше ретінде қатысып жүргенін атап өтті.

Әлиев бұл кабельді Орталық Азия және Оңтүстік Кавказ елдері, сондай-ақ одан да кең географияда пайдаланатынын айтып: «Бұл біздің ынтымақтастығымызды нығайтуға тағы бір үлес. Сондықтан бүгін біз жаһандық жобаны іске қостық», деді.