30 миңден ашык казакстандык аял 2027-жылдан декреттик төлөмдөрдөн ажырап калышы мүмкүн

2027-жылдын 1-январынан баштап 30 миңден ашык казакстандык аял декреттик төлөмдөрдөн ажырап калышы мүмкүн. Бул тууралуу Эмгек министрлиги сунуш кылган социалдык камсыздоо реформасын изилдеген Курултай депутаты Лязат Кожахмет билдирди. Tengrinews КТК телеканалына шилтеме кылып кабарлады.

Депутаттын айтымында, жардам акы алуу тартибиндеги өзгөрүүлөр декреттик оргуга чейин иштебеген аялдарга тиешелүү. 1-январдан баштап алар үй-бүлө мамлекеттик жардамга муктаж болгондо гана жардам акы ала алышат. Эгерде үй-бүлө муктаж категориясына кирбесе, аял эмгекке жарамдуу болсо, саламаттыгында кемчилик болбосо жана үй-бүлөнүн кирешеси жашоого жетиштүү болсо, А жана В категориясындагы казакстандыктар бул колдоону ала алышпайт.

Ал эми төрөткөнгө чейин иштеген аялдар үчүн тынчсыздануунун кереги жок. Мамлекеттик социалдык камсыздандыруу фонду баланын бир жарым жашка толгонго чейин акыркы 24 айдагы орточо айлык кирешенин 40 пайызын төлөөнү улантат. Ал эми бала багуу боюнча эс алууда жүргөн эркектерге кирешесинен көз каранды эмес, 1-январдан баштап төлөм жасалбайт.