30 мыңнан аса қазақстандық әйел 2027 жылдан декреттік төлемдерден айырылуы мүмкін

2027 жылдың 1 қаңтарынан бастап 30 мыңнан аса қазақстандық әйел декреттік төлемдерден айырылуы мүмкін. Бұл туралы Еңбек министрлігі ұсынған әлеуметтік қамсыздандыру реформасын зерттеген Құрылтай депутаты Ләззат Қожахмет мәлімдеді. Хабарды Tengrinews КТК арнасына сілтеме жасап таратты.

Депутаттың айтуынша, жәрдемақы алу тәртібіндегі өзгерістер декреттік демалысқа дейін жұмыс істемеген әйелдерге қатысты. 1 қаңтардан бастап олар тек отбасы мемлекеттік көмекке мұқтаж болса ғана жәрдемақы ала алады. Отбасы мұқтаждар санатына жатпаса, әйел еңбекке қабілетті, денсаулығында кінәрат жоқ және отбасы табысы өмір сүруге жеткілікті болса, А және В санатындағы қазақстандықтар бұл қолдауды ала алмайды.

Босанғанға дейін жұмыс істеген әйелдер үшін алаңдаудың қажеті жоқ. Мемлекеттік әлеуметтік сақтандыру қоры бала бір жарым жасқа толғанға дейін соңғы 24 айдағы орташа айлық табыстың 40 пайызын төлеуді жалғастырады. Ал бала күтіміне байланысты демалыстағы ер адамдарға табыс деңгейіне қарамастан 1 қаңтардан бастап төлем жасалмайды.