Экинчи жана үчүнчү АЭСти куруу пландарыбыз бар — Шавкат Мирзиёев

Өзбекстанда үчүнчү атом электр станциясын куруу пландаштырылууда. Бул тууралуу президент Шавкат Мирзиёев энергетика тармагындагы инвесторлор менен ачык баарлашууда билдирди. Ал жаңы өнөктөштөр менен экинчи АЭСти куруу боюнча инвесторлор менен сүйлөшүүлөр башталарын айтып, уран өндүрүүнүн өсүп жатканын жана тармакта тажрыйба топтолгонун баса белгиледи.

Биринчи АЭС Жизак облусунун Фориш районунда курулууда. Станциянын жалпы кубаттуулугу 2110 МВт, күтүлүп жаткан жылдык өндүрүш көлөмү 17 млрд кВт·саатка чейин. Долбоордун негизги наркы 9,5 млрд доллардан ашпашы баалануудо, толук аяктоо 2034–2035-жылдарга пландалган.

Экинчи АЭС жөнүндө Мирзиёев 17-августта Хорезм облусуна сапары учурунда билдирген, бирок анын жайгашкан жери, кубаттуулугу жана мөөнөттөрү расмий түрдө ачыкталган эмес. 8-сентябрда Белградда өткөн Өзбекстан–Сербия бизнес форумунда Сербиянын президенти Александр Вучич экинчи АЭСти Кытай менен биргелешип куруларын билдирди.