Кыргызстандагы демографиялык саясат кеңешинин биринчи жыйыны өттү

Министрлер Кабинетинин төрагасынын орун басары Улан Маматканов 16-октябрда демографиялык саясат боюнча кеңештин биринчи жыйынын өткөрдү. Бул тууралуу Кабинеттин басма сөз кызматы кабарлады.

Жыйында Кыргызстандагы учурдагы демографиялык абал, өлкөнүн демографиялык өнүгүүсүнүн көйгөйлөрү жана Кыргыз Республикасынын 2040-жылга чейинки Демографиялык саясат концепциясынын биринчи этабын (2026-2030-жылдар) ишке ашыруу боюнча иш-чаралар планы талкууланды.

Катышуучулар ошондой эле демографиялык саясаттын басымдуу багыттарын ишке ашыруу боюнча сунуштарды, жооптуу мамлекеттик органдардын ишин координациялоону жана аныкталган көйгөйлөрдү чечүү боюнча конкреттүү чараларды кабыл алууну талкуулашты. Жыйындын жыйынтыгы боюнча бир катар тапшырмалар берилди, деп Кабинетте кабарлашты.