ТМУ өлкөлөрү медиа чөйрөсүндөгү кызматташтыкты чыңдоодо

Түрк мамлекеттери уюмуна мүчө өлкөлөрдүн министрлери жана медиа жетекчилери Астанада өткөн жыйында заманбап технологиялардын медиа чөйрөсүнүн өнүгүшүнө тийгизген таасирин талкуулашты. Казакстандын маданият жана маалымат биринчи вице-министри Канат Искаков инновациялар жаңы мүмкүнчүлүктөр менен бирге жаңы коркунучтарды да алып келерин белгиледи. Анын айтымында, жасалма интеллекттин өнүгүшү менен жасалма видео, сүрөт жана аудиожазууларды түзүү чоң чыгым талап кылбай калды, бул ишенимсиз маалыматтын таралуу тобокелдигин жана расмий булактарга болгон ишенимдин азайышын күчөтөт.

Исков түрк мамлекеттери улуттук телеканалдар менен маалымат агенттиктеринин ортосундагы байланыштарды чыңдап, биргелешкен долбоорлорду өнүктүрүшү керектигин айтты. Азербайжандын Медиа жана көрсөтүү кеңешинин Эл аралык мамилелер департаментинин жетекчиси Расим Багиров бул аянтча көп тараптуу да, эки тараптуу да деңгээлде кызматташтыкты өнүктүрүүгө жардам берерин билдирди. Анын маалыматына ылайык, Өзбекстан, Казакстан жана Түркия менен меморандумдар жана жол картасы кол коюлган.

Жыйындын жыйынтыгы боюнча катышуучулар биргелешкен коммюникеге кол коюп, кийинки жолугушуу Бишкекте өтөрүнө макулдашты.