Астанада Республика күнүнө карата 120дан ашык иш-чара өтөт

25-октябрда Казакстанда Республика күнү белгиленет. Астанада улуттук майрамга карата 120дан ашык салтанаттуу, маданий-таанып-билүү, билим берүү, спорттук, экологиялык жана социалдык иш-чара пландаштырылган. Концерттер, көргөзмөлөр, спектаклдер, спорттук турнирлер, майрамдык акциялар жана жаңы объектилердин ачылышы күтүлүүдө. Маалыматты 24KZ Астана акимдигинин расмий сайтына шилтеме менен жарыялады.

Майрамга карата шаарда Tanym Sport жана Tanym Art көп функциялуу комплекстери иштей баштайт. Ошондой эле №2 көп профилдүү шаардык балдар ооруканасынын пристройкасы жана №2 көп профилдүү шаардык ооруканасындагы кабыл алуу-диагностикалык комплекс ачылуусу пландаштырылган. Программада адабият жана искусство өкүлдөрү менен жолугушуулар, илимий-практикалык конференциялар, көргөзмөлөр жана дебаттар да камтылат.

Спорттук иш-чаралардын катарында 15–17-октябрда «Барыс Арена»да сүзүү боюнча Дүйнө кубогунун этабы өтөт. 24-октябрда ошол эле аренада күрөш боюнча дүйнө чемпионаты башталат. 24–25-октябрда Казанат ипподромунун парковкасында айыл чарба жарманкеси уюштурулат.