Астанада Республика күніне орай 120-дан астам іс-шара өтеді

Қазақстанда 25 қазанда Республика күні атап өтіледі. Ұлттық мереке қарсаңында Астанада 120-дан астам салтанатты, мәдени-танымдық, білім беру, спорттық, экологиялық және әлеуметтік іс-шара жоспарланған. Бағдарламаға концерттер, көрмелер, спектакльдер, спорт турнирлері және жаңа нысандардың ашылуы кіреді. Ақпаратты 24KZ Астана әкімдігінің ресми сайтына сілтеме жасап таратты.

Мерекеге орай қалада бірқатар жаңа нысан ашылады. Tanym Sport көпфункционалды кешені М. Төлебаев көшесі, 3 мекенжайында, Tanym Art кешені Сұлтан Бейбарыс көшесі, 15 мекенжайында жұмыс істей бастайды. Сонымен қатар № 2 қалалық көпбейінді балалар ауруханасына қосымша ғимарат пен № 2 қалалық көпбейінді ауруханасы жанындағы қабылдау-диагностика кешенінің ашылуы жоспарланған.

Іс-шаралар арасында 20 қазанда «Жастар» сарайында патриоттық кеш, 15–17 қазанда «Барыс Арена» мұз сарайында жүзу бойынша әлем кубогының кезеңі өтеді. 24 қазанда сол жерде әлем күресі чемпионаты болады.