Кыргызстандын 2027-жылга мамлекеттик инвестиция бюджети 47,3 млрд сомду түзөт

Каржы министрлигинин маалыматына караганда, Кыргызстанда 2027-жылы мамлекеттик инвестицияларга чыгымдар 47,3 млрд сомду түзөт, бул быйылкы көрсөткүчтөн 6% көп. Тышкы каржылоо 45,1 млрд сом болот, анын ичинде кредиттер 33,5 млрд сом жана гранттар 11,5 млрд сом. 2028-жылы мамлекеттик инвестиция бюджети 75,8 млрд сомго чейин өсөт.

Эң көп каражат, 2,73 млрд сом, Бархоон–Каракол участогундагы Ысык-Көл шакек жолун жакшыртуу боюнча ААБдын долбооруна каралган. Суусамыр–Талас–Тараз жолун реконструкциялоого 2,33 млрд сом, Үчкөргөн ГЭСин модернизациялоого 2,25 млрд сом коюлган.

Каржы министрлигинин маалыматы боюнча, акыркы 10 жылда бекитилген мамлекеттик инвестиция бюджети орточо 21,6% кыскарып, 70,2% аткарылган. Министрлик муну аткаруучу агенттиктердин болжолдорунун өтө жогору коюлушу менен байланыштырат.