Qirgʻizistonning 2027-yil davlat investitsiya byudjeti 47,3 mlrd somga belgilandi

Qirgʻiziston Moliya vazirligi maʼlumotlariga koʻra, 2027-yilda davlat investitsiya xarajatlari 47,3 mlrd somni tashkil etadi, bu joriy yilga nisbatan 6 foizga koʻp. Tashqi moliyalashtirish 45,1 mlrd somga yetadi, shundan 33,5 mlrd somi kreditlar, 11,5 mlrd somi grantlar hisobidan. 2028-yilda davlat investitsiya byudjeti 75,8 mlrd somga oshishi kutilmoqda.

Eng katta mablagʻ, 2,73 mlrd som, Osiyo taraqqiyot banki loyihasi doirasida Issiqkoʻl aylana avtomobil yoʻlining Barskoon-Karakol qismini yaxshilashga yoʻnaltirilgan. Suusamir-Talas-Taraz yoʻlini qayta qurishga 2,33 mlrd som, Uch-Qoʻrgʻon GESni modernizatsiya qilishga 2,25 mlrd som ajratilgan.

Vazirlik maʼlumotlariga koʻra, soʻnggi 10 yil davomida tasdiqlangan davlat investitsiya byudjeti oʻrtacha 21,6 foizga qisqargan, ijro esa oʻrtacha 70,2 foizni tashkil etgan. Vazirlik bu holatni ijro etuvchi agentliklarning haddan tashqari yuqori prognozlari bilan bogʻlaydi.