Акмола облусунда 8,1 млрд теңгеге роботташтырылган сүт фермасы иштетилди

Казакстандын Акмола облусунун Аккөл районунда «Еңбек» ЖЧКга караштуу роботташтырылган сүт-товар фермасы иштей баштады. Облустук акимат пресс-кызматынын маалыматына ылайык, бул Казакстандагы ушундай роботташтыруу деңгээлиндеги биринчи комплекс. Роботтор сауууну камсыз кылат, ал эми атайын жабдуу малдарды тоюттандырууга жана аларды кармоо шарттарын колдоого жооптуу.

Долбоордун жалпы баасы 8,1 млрд теңге. Анын 3,1 млрд теңгеси «СПК «Кокше» ААКнын катышуусу менен бөлүнгөн, 5 млрд теңге чарбанын өз каражаттары. Долбоор Президент демилгелеген мал чарбачылыгын өнүктүрүү программасынын кластеринин алкагында, мамлекеттик финансылык колдоо менен ишке ашырылууда. Чарбага 770тен ашык баш ири мүйүздүү мал алып келинди, анын ичинде Дания өлкөсүнөн алынган 300 баш голштин кара-ала тукуму бар. Толук кубатка жеткенде комплексте 900 саап уй багууга болот, жылдык сүт өндүрүү 4 230 тонна болот деп күтүлүүдө.

Комплексте немис GEA Westfalia өндүрүүчүсүнүн 12 саап роботу орнотулган; жабдуулардын баасы 1,9 млрд теңге. Чарбанын жетекчиси Куаныш Ракишев бир уйдан жылына 8 500 литрге чейин сүт алуу максат кылынганын айтты. Сүт «Гормолзавод» ЖЧКга жөнөтүлүүдө. Акмола облусунун акими Марат Ахметжанов жыл аягына чейин Атбасар районунда 760 жана Бурабай районунда 1 400 баш үчүн дагы эки ири ферма ачуу пландалганын, акыркысында сүт иштетүүчү заводду ишке киргизүү каралганын айтты.