Энергетика министрлиги кышкы өчүрүүлөрдү пландабайт, бирок чокку саатта чектөөлөргө жол берет

Кыргызстанда алдыдагы кышта электр энергиясынын жетишсиздигинен улам өчүрүү графиктерин киргизүү пландалбайт. Бирок электр энергиясын керектөөнүн чокку убагында энергетиктер кубаттуулуктун жетишсиздигине туш болушу жана кошумча чараларды көрүшү мүмкүн. Бул тууралуу энергетика министри Алтынбек Рысбеков 19-октябрда Жогорку Кеңештин тиешелүү комитетинин жыйынында билдирди.

Рысбековдун сөзүнө караганда, энергетикалык объекттерди күзгү-кышкы мезгилге даярдоо графикке ылайык жүрүп жатат, иштерди аткарууда олуттуу көйгөй жок. Жетишпеген электр энергиясынын көлөмүн импорт эсебинен жабуу пландалууда. Өлкө 2026-жылы чет өлкөдөн болжол менен 4 млрд кВт·саат электр энергиясын сатып алууну көздөйт.

Министр импорт чокку саатта кубаттуулуктун жетишсиздигин чечпээрин айтты. Эртең менен жана кечинде суроо-талап кескин өсөт, ал эми жеткирүүчү өлкөлөрдө да жүктөмө жогору болушу мүмкүн. Рысбеков электр энергиясы жана кубаттуулук жетишсиздиги köp жылдар бою калыптанганын жана аны бир жылытуу мезгилинде чечүү мүмкүн эместигин баса белгиледи.