Казакстандык товарларга супермаркеттердин текчелеринде артыкчылык берилет

Казакстанда дүкөндөрдүн жана маркетплейстердин текчелеринде жергиликтүү товарлардын саны көбөйөт. 20-октябрдан тартып соода тармактары ар бир товар категориясында жана кичи категориясында соода аянтынын кеминде 30%ын өлкөлүк өндүрүштүн товарларына бөлүүгө милдеттүү болот. Жаңы талаптардын максаты жергиликтүү өндүрүүчүлөрдүн рыноктогу көрүнүшүн кеңейтүү.

Өлкөлүк товарлар «Казакстанда жасалган» белгиси же жазуусу менен коюлуп, борборкү көргөзмө зонасына, сатып алуучулардын көз деңгээлине, жогорку суроо-талапка ээ товарлардын жанына жайгаштырылат. Соода министрлигинин маалыматында, максат ички соодаларды өнүктүрүү жана рыноктун импортко көз карандылыгын азайтуу.

Караганда шаарында курт өндүргөн Жазира Толегенованын үй-бүлөлүк бизнеси текчелер импорттук курт менен толуп турганы үчүн супермаркеттерге кирүүдө кыйынчылыкка туш болгон. Азыр Астанага көчүп барган үй-бүлө төрт кызматкер менен өндүрүштү кеңейтүүнү пландап жатат. Талаптарды сактабаган дүкөндөргө алгач эскертүү берилет, оңдолбосо 100дөн 500 МРПге чейин айып пул салынат.