Qozogʻiston mahsulotlariga supermarket tokchalarida ustunlik beriladi

Qozogʻistonda doʻkon va marketpleys tokchalarida mahalliy mahsulotlar soni ortishi kutilmoqda. 20-oktyabrdan boshlab savdo tarmoqlari har bir tovar toifasi va kichik toifasida savdo maydonining kamida 30 foizini mamlakat ichida ishlab chiqarilgan mahsulotlarga ajratishi shart. Yangi talablarning maqsadi mahalliy ishlab chiqaruvchilarning bozordagi ishtirokini kengaytirishdir.

Mahalliy mahsulotlar «Qozogʻistonda ishlab chiqarilgan» yozuvi yoki belgisi bilan ajratiladi hamda markaziy namoyish zonasiga, xaridorlar koʻziga koʻrinadigan balandlikka, yuqori talabga ega tovarlar yoniga joylashtiriladi. Vazirlik kutilayotgan natijalar orasida ichki savdoning rivojlanishi va bozorning importga bogʻliqligining kamayishini sanab oʻtdi.

Qaragʻandada qurt ishlab chiqaradigan Jazira Tolegenovaning oilaviy biznesi tokchalar import qurt bilan toʻlib ketgani sababli supermarketlarga kirishda qiynalgan. Hozir Ostonaga koʻchgan oila toʻrt nafar xodim bilan ishlab chiqarishni kengaytirishni rejalashtirmoqda. Talablarga rioya qilmagan doʻkonlarga avval koʻrsatma beriladi, buzilishlar bartaraf etilmasa 100 dan 500 MRP gacha jarima solinishi mumkin.