Улуу Британия падышасы Чарльз: Кипрде чечим күтөм

Улуу Британия падышасы Чарльз Лондондогу Сент-Джеймс сарайында Улуттар Шериктештигинин кабыл алуусуна ээлик кылды. Шериктештик өлкөлөрүнүн жогорку комиссарлары жана ар кандай уюмдардын өкүлдөрү катышкан кабыл алууда падыша Fashion Heritage Network Cyprus уюмунун негиздөөчүсү Кристина Димиоти менен жолукту.

Кипрдин грек медиасында Димиотиге таянып берилген кабарга ылайык, падыша жолугушууда Кипр жөнүндө сөз кылган. Димиоти падышанын аралдын дагы эле бөлүнгөнүнө өкүнгөнүн жана маселенин жакын арада чечилишин күткөнүн айтты. Кабарда падыша Түндүк Кипр Түрк Республикасы менен Түштүк Кипрдеги грек администрациясынан жаштарды бириктирүүгө багытталган долбоорлорго терең кызыгып жатканы белгиленген.

Димиоти кипрлик гректердин лидери Никос Христодулидис тарабынан эки коомдук Жаштар техникалык комитетине дайындалганын жана комитеттин БУУ менен түздөн-түз иштеп жатканын билдирди. Димиотинин айтымында, падыша жүргүзүлүп жаткан иштери үчүн аны куттуктап, командасын ишин улантууга үндөгөн. Падышанын өз билдирүүсүндө болсо Кипр маселесин кайсы саясий модель негизинде чечүү керектиги боюнча эч кандай пикир берилген эмес.