Buyuk Britaniya qiroli Charlz: Kiprda yechim kutaman

Buyuk Britaniya qiroli Charlz poytaxt Londondagi Sent-Jeyms saroyida Hamdoʻstlik qabulini oʻtkazdi. Hamdoʻstlik davlatlari oliy komissarlari va turli tashkilotlar vakillari ishtirok etgan qabulda qirol Charlz Fashion Heritage Network Cyprus tashkilotining asoschisi Kristina Dimioti bilan uchrashdi.

Kipr rum ommaviy axborot vositalarida Dimiotiga tayanib berilgan xabarga koʻra, qirol uchrashuvda Kipr haqida gapirdi. Dimioti qirolning orolning hali ham boʻlingani uchun xafa ekanini va muammoning tez orada hal etilishini umid qilayotganini aytdi. Xabarda qirol Charlzning Shimoliy Kipr Turk Respublikasi va Janubiy Kipr rum maʼmuriyatidan yoshlarni birlashtirishga qaratilgan loyihalarga yaqindan qiziqayotgani taʼkidlangan.

Dimioti rum rahbari Nikos Xristodulidis tomonidan ikki jamoali Yoshlar texnik qoʻmitasiga tayinlanganini va qoʻmitaning BMT bilan bevosita ishlayotganini aytdi. Dimiotining bayonotiga koʻra, qirol olib borilayotgan ishlari uchun unga tabriklar yoʻllagan va jamoani faoliyatini davom ettirishga undagan. Qirol Charlzning oʻz bayonotida esa Kipr muammosi qaysi siyosiy model asosida hal etilishi kerakligi haqida hech qanday fikr bildirilmagan.