Якутиянын 2027–2029-жылдарга бюджети биринчи окуудан өттү

21-октябрда Россиянын Саха (Якутия) Республикасынын Мамлекеттик Жыйыны (Ил Түмэн) жыйырманчы кезектеги пленардык отурумунда республиканын 2027-жылга жана 2028–2029-жылдарга пландоо мезгилине мамлекеттик бюджет жөнүндөгү мыйзам долбоорун биринчи окуудан өткөрдү. Ил Түмэндин басма сөз кызматынын маалымдоосунда, кийинки жылга кирешелер 337,6 миллиард рубль, чыгашалар 340,3 миллиард рубль, тартыштык 2,7 миллиард рубль деп пландаштырылган.

Мамлекеттик Жыйындын төрагасы Алексей Еремеев биринчи окуунун параметрлери өткөн жылдагыга караганда жакшы экенин белгиледи. Анын айтымында, коммуналдык комплекске бир нече жылдан кийин биринчи жолу талап кылынган сумма толук көлөмдө, 56 миллиард рубль өлчөмүндө каралган.

Ерекеев экинчи окууга чейин федералдык бюджеттен түшкөн дотация, субвенция, субсидия жана башка түшүүлөр эсебинен киреше бөлүгүн көбөйтүү керектигин айтты. Ошондой эле салттуу түрдө республиканын аткаруучу бийлик органдары менен макулдашуу комиссиялары түзүлөрүн билдирди.