Жакутия бюджеті 2027–2029 жылдарға бірінші оқылымда қабылданды

21 қазанда Ресейдің Саха (Жакутия) Республикасының Мемлекеттік жиналысы (Ил Түмэн) жиырмасыншы кезекті пленарлық отырысында республиканың 2027 жылға және 2028–2029 жылдарға арналған мемлекеттік бюджеті туралы заң жобасын бірінші оқылымда қабылдады. Ил Түмэн баспасөз қызметінің хабарлауынша, келесі жылға кірістер 337,6 миллиард рубльге, шығыстар 340,3 миллиард рубльге, тапшылық 2,7 миллиард рубльге жоспарланған.

Мемлекеттік жиналыс төрағасы Алексей Еремеев бірінші оқылым параметрлері өткен жылмен салыстырғанда жақсы екенін атап өтті. Оның айтуынша, коммуналдық кешенге бірнеше жылдан кейін алғаш рет қажетті сома толық көлемде, 56 миллиард рубль болып көзделген.

Ерекеев екінші оқылымға дейін федералдық бюджеттен түсетін дотация, субвенция, субсидия және өзге де түсімдер есебінен кіріс бөлігін ұлғайту керектігін айтты. Сондай-ақ дәстүр бойынша республиканың атқарушы билік органдарымен келісу комиссиялары құрылатынын хабарлады.