«Жашыл энергия коридору» үчүн технологиялык чечимдер сунушталды

Бакуда «Жашыл энергия коридору» долбоорун ишке ашыруу үчүн технологиялык чечимдер жана жеткирүү мүмкүнчүлүктөрү сунушталды. Энергетика министрлигине шилтеме кылган Report кабарлашынча, тааныштыруу Бакуда өткөн «Жашыл энергия коридору: техникалык-экономикалык негиздемеден ишке ашырууга чейин» форумунда болуп, долбоордун технологиялык чечимдери жана практикалык ишке ашыруу мүмкүнчүлүктөрү талкууланды.

Сессияны Siemens Energy компаниясынын Түркия, Борбордук Азия жана Батыш Европа боюнча вице-президенти Максим Зубов жүргүздү. Анда Jan De Nul, Prysmian, NKT, ZTT, Hengtong, Hellenic Cable жана Orient Cable компанияларынын өкүлдөрү катышты. Баяндамаларда жогорку чыңалуудагы түздөн-түз ток (HVDC) технологиялары, суу астындагы электр кабелдерин өндүрүү жана орнотуу, EPC кызматтары жана жеткирүү чынжырынын мүмкүнчүлүктөрү борборго коюлду.

Jan De Nul компаниясы дүйнөдө биринчи жолу 4 000 метрден ашык тереңдикте колдонсо болуучу кабель технологиясын тааныштырды. Компаниянын билдиришинче, технология сынактардан ийгиликтүү өтүп, натыйжалуулугун далилдеген. Тиешелүү каржылоо механизми болсо, аны Жашыл энергия коридору долбоорунда колдонсо болот. Сессия долбоордун технологиялык даярдыгын баалоо жана потенциалдуу жабдуучулар менен кызматташуу мүмкүнчүлүктөрүн аныктоо үчүн маанилүү болду.