Министр Мурат Курум: Түркия Анталиядагы COP31де чоң өзгөрүүгө жетекчилик кылат

Айлана-чөйрө, шаар курулушу жана климаттын өзгөрүшү министри Мурат Курум Стамбулда БАК уюмдарынын башкы редакторлору менен жолугушууда дүйнө кагылышуулар жана экономикалык кризистер себептүү бышык эмес мезгилди баштан кечирип жатканын айтты. Курум 9-20-ноябрда Анталияда өтүүчү БУУнун Климаттын өзгөрүшү боюнча негизги конвенциясынын 31-тараптар конференциясына (COP31) Түркия ев ээлик кылып, ушул чоң өзгөрүүгө жетекчилик кылаарын белгиледи.

Курум конференцияны Президент Режеп Тайып Ердоган жетекчилигинде өткөрүүнү айтты. БУУнун расмий сүйлөшүүлөрү 527 миң чарчы метрлик «Көк зонада», ал эми 582 миң чарчы метрлик «Жашыл зонада» университеттердин, ишкерлердин, жаштардын жана жарандык коомдун иш-чаралары болот. Учурда 85 өкмөттүн жана мамлекет жетекчисинин катышуусу тастыкталганы, болжол менен 3 миң журналист аккредитация алганы билдирилди.

Курум Түркиянын Париж келишимине кошулгандыгын, «2053-жылга карата нөл эмиссия» максатын жарыялагандыгын жана Климат мыйзамын кабыл алгандыгын эске салды. Ошондой эле 2035-жылга карата электр энергиясынын дүйнөлүк акыркы энергия керектөөдөгү үлүшүн 35 пайызга жеткирүү жана глобалдык калдыктардын өсүү ылдамдыгын эки эсеге азайтуу максаттары бар экенин айтты.