Vazir Murat Kurum: Turkiya Antaliyadagi COP31da katta oʻzgarishga rahbarlik qiladi

Atrof-muhit, shaharsozlik va iqlim oʻzgarishi vaziri Murat Kurum Istanbulda ommaviy axborot vositalari bosh muharrirlari bilan uchrashuvda dunyo mojarolar va iqtisodiy inqirozlar tufayli oʻta moʻrt davrni boshdan kechirayotganini aytdi. Kurum 9-20-noyabr kunlari Antalyada oʻtkaziladigan BMTning Iqlim oʻzgarishi boʻyicha Asosiy konvensiyasining 31-Tomonlar konferensiyasiga (COP31) Turkiya ev egaligi qilishini va bu katta oʻzgarishga rahbarlik qilishini taʼkidladi.

Konferensiya Prezident Rajab Toyyib Erdoʻgʻan rahbarligida oʻtkazilishini aytgan Kurum, BMTning rasmiy muzokaralari 527 ming kvadrat metrli Koʻk hududda, 582 ming kvadrat metrli Yashil hududda esa universitetlar, tadbirkorlar, yoshlar va fuqarolik jamiyati tadbirlari boʻlishini bildirdi. Hozirgacha 85 ta hukumat va davlat rahbari ishtirokini tasdiqlagani, qariyb 3 ming jurnalist akkreditatsiyadan oʻtgani qayd etildi.

Kurum Turkiyaning Parij bitimiga qoʻshilganini, 2053 yilga borib sof nol emissiya maqsadini eʼlon qilganini va Iqlim qonunini qabul qilganini eslatdi. Shuningdek, elektr energiyasining global yakuniy energiya isteʼmolidagi ulushini 2035-yilgacha 35 foizga yetkazish va global chiqindilar oʻsish surʼatini ikki barobar kamaytirish maqsad qilinganini aytdi.