Мирзиёев медицина кызматкерлери менен жолукту: Өзбекстанда жаңы медициналык стандарттар киргизилет

Өзбекстандын Президенти Шавкат Мирзиёев «Куксарой» резиденциясында саламаттык сактоо жана фармацевтика тармагынын кызматкерлери менен жолукту. Ал жакындап калган кесиптик майрамына карата катышуучуларды куттуктап, адамдардын саламаттыгы жолундагы чыныгы эмгеги үчүн ыраазычылык билдирди.

Президент акыркы он жылда 10 миллион адамга тейлөө көрсөтүүчү жаңы поликлиника жана ооруканалар иштетилгенин, 58 миң төшөк орун түзүлгөнүн жана медициналык кызматтардын көлөмү үч эсеге өскөнүн айтты. Фармацевтика тармагында 1 миллиард доллар баалуу 330 жаңы өндүрүш кубаттуулугу ишке киргизилди. Максат — өлкөнүн дары-дармекке болгон муктаждыгынын 70 пайызын ички мүмкүнчүлүктөр менен камсыз кылуу.

28 районда сыналган жаңы системада 7 миллион тургун үй-бүлө дарыгерлерине бекитилди. Киелки жылы бул модель дагы 100 районго жайылтылмак. Ошондой эле «Жаңы Өзбекстандын медициналык стандарттары» киргизилет жана медицина кызматкерлери үчүн «Ибн Сино» ордени түзүү сунушталды.