Казакстанда эң төмөнкү эмгек акы 2027-жылы 110 миң теңгеге көтөрүлөт: Токаев

Казакстандын Президенти Касым-Жомарт Токаев өлкөдө эң төмөнкү эмгек акы 2027-жылдын 1-январынан тартып 85 миң теңгеден 110 миң теңгеге чейин көтөрүлөөрүн билдирди. Ал бул тууралуу Казакстан элине жылдык Кайрылуусунда, «Казакстандын жаңы тарыхый циклдеги учурдагы милдеттери» деп аталган сөзүндө айтты.

Токаевдин айтымында, бул чечим 1 миллион 800 миң адамдын кирешесин жогорулатат, анын ичинде бюджеттен эмгек акы алган 370 миңден ашык кызматкерлер бар. Мамлекет башчысы Өкмөткө бул өзгөртүүнү 2027-жылдын 1-январынан тартып ишке ашырууну тапшырды.

Мурун, 2025-жылы депутаттар эң төмөнкү эмгек акыны 110 миң теңгеге чейин көтөрүүнү сунуштаган. Кийинчерээк өкмөт бул маселени 2027–2028-жылдары карарын билдирген.