Токаев Казакстанда бай адамдар үчүн салык ставкасын көтөрүүнү сунуш кылды

Казакстан президенти Касым-Жомарт Токаев бай адамдар үчүн салык ставкасын көтөрүүнү сунуш кылды. Ал бул тууралуу 28-октябрь күнү элге кайрылуусунда билдирди.

Токаев кайрылуусунда салык салуунун адилеттүүлүгү маселесине токтолду. Ал ири мүлк ээлери үчүн көтөрүлгөн ставканы киргизүү маселесин талкуулоо убактысы келгенин айтып, эч ким мыйзамдуу жол менен алынган активдерди чектөөгө ниеттенбеестигин белгиледи. Анын сөзүнө караганда, бул Конституцияга карама-каршы болмок, анткени маселе адилеттүүлүк жөнүндө.

Президент ар бир жарандын мүмкүнчүлүгүнө жараша өлкөнүн өнүгүшүнө адал салым кошушу керектигин айтты. Өкмөткө жана Курултайга бул маселени изилдеп, сунуштар киргизүү тапшырылды. Токаев адилеттүү салык салуу ачыктыкты, я ни толук санариптештирүүнү талап кыларын жана салык чогултууну көбөйтүү, көлөкөдөгү экономиканы кыскартуу жана коррупция тобокелин азайтуу үчүн жасалма интеллект сыяктуу илгерилеген технологияларды колдонуу зарыл экенин белгиледи.