Qozogʻistonda minimal ish haqi 2027 yilda 110 ming tengega oshiriladi: Toqayev

Qozogʻiston Prezidenti Qosim-Jomart Toqayev mamlakatda minimal ish haqi 2027 yil 1 yanvardan 85 ming tengedan 110 ming tengega oshirilishini maʼlum qildi. U bu haqda Qozogʻiston xalqiga yillik Murojaatida, “Qozogʻistonning yangi tarixiy davrdagi dolzarb vazifalari” nomli nutqida aytdi.

Toqayevning soʻzlariga koʻra, bu qaror 1 million 800 ming kishining daromadiga taʼsir qiladi, shu jumladan byudjetdan maosh oladigan 370 ming dan ortiq xodim. Davlat rahbari Hukumatga ushbu qarorni amalga oshirish topshirigʻini berdi.

Avvalroq, 2025 yilda deputatlar minimal ish haqini 110 ming tengega oshirishni taklif qilgan edi. Keyinchalik hukumat bu masala 2027–2028 yillarda koʻrib chiqilishini maʼlum qildi.