Болгариянын биринчи шайланган аял президенти Илиана Йотова ким?

Илиана Йотова Болгария тарыхында президент катары шайланган биринчи аял болду жана кийинки беш жыл бою өлкөнү башкарат.

Ал 1964-жылы 24-октябрда Болгариянын борбору София шаарында туулган. Болгар филологиясы боюнча жогорку билим алган Йотова кесиптик ишин журналист катары баштаган. Анын жогорку билими журналистика боюнча эмес, болгар филологиясы боюнча. Болгариянын улуттук телекөрсөтүүсүндө ар кандай кызматтарда иштегенден кийин саясатка кошулган.

Йотова 2007–2017-жылдары Европа парламентинин депутаты, 2017–2026-жылдары Болгариянын вице-президенти болгон. 2026-жылдын январында Румен Радевдин отставкасынан кийин президенттин милдетин аткара баштаган Йотова, 1-ноябрда өткөн шайлоодо жеңип, өлкөнүн биринчи шайланган аял президенти наамын алган. Ал Болгариянын Социалисттик партиясынын саясий багытына жакын. Президент Россия менен мамилелерди жакшыртууну жана Украина согушун дипломатиялык сүйлөшүүлөр аркылуу чечүүнү жактайт. Украинага кошумча аскердик жардам көрсөтүүгө каршы чыгышы анын саясий позициясынын көзгө урунган өзгөчөлүктөрүнүн бири. Үй-бүлөлүү, бир уулу бар.