Bolgariyaning birinchi saylangan ayol prezidenti Iliyana Yotova kim?

Iliyana Yotova Bolgariya tarixida prezident etib saylangan birinchi ayol boʻldi va keyingi besh yil davomida mamlakatni boshqaradi.

U 1964-yil 24-oktabrda Bolgariya poytaxti Sofiyada tugʻilgan. Bolgar filologiyasi boʻyicha oliy maʼlumot olgan Yotova kasbiy faoliyatini jurnalist sifatida boshlagan. Uning oliy maʼlumoti jurnalistika boʻyicha emas, balki bolgar filologiyasi boʻyicha. Yotova uzoq yillar jurnalistika sohasida ishlagan, Bolgariyaning milliy televideniyesida turli lavozimlarda faoliyat koʻrsatgach, siyosatga qoʻshilgan.

Yotova 2007–2017-yillarda Yevropa Parlamentining deputati, 2017–2026-yillarda esa Bolgariya vitse-prezidenti boʻlgan. 2026-yilning yanvarida Rumen Radev isteʼfoga chiqqanidan soʻng prezident vazifasini bajara boshlagan Yotova, 1-noyabrda oʻtkazilgan saylovda gʻalaba qozonib, mamlakatning birinchi saylangan ayol prezidenti nomini oldi. U Bolgariya Sotsialistik partiyasining siyosiy yoʻnalishiga yaqin. Prezident Rossiya bilan munosabatlarni yaxshilashni va Ukraina urushini diplomatik muzokaralar yoʻli bilan hal etishni himoya qiladi. Ukrainaga qoʻshimcha harbiy yordam koʻrsatilishiga qarshi chiqishi uning siyosiy pozitsiyasining diqqatga sazovor xususiyatlaridan biri. U oilali, bir oʻgʻli bor.