Qozogiston 2029 yilgacha 13,3 GVt yangi energiya quvvatini ishga tushirishni rejalashtirmoqda

Qozogistonda 2029 yil oxirigacha 13,3 GVt yangi energiya quvvatini ishga tushirish rejalashtirilmoqda. Bu mamlakatning ichki elektr energiyasiga ehtiyojini toʻliq qondirish va 20 foiz ortiqcha ishlab chiqarish quvvatini shakllantirishga imkon berishi aytildi. Bu haqida Qozogiston Bosh vazirining birinchi oʻrinbosari Nurlibek Nalibayev Hukumatning real iqtisodiyot sohasini rivojlantirishga oid matbuot anjumanida maʼlum qildi.

Hozirda Qozogistonning birlashgan energetika tizimiga 254 ta energiya manbai kiradi, ulardan 172 tasi qayta tiklanadigan energiya manbalari. Tizimning mavjud quvvati 17 GVt. 2026 yilning oʻn oyida elektr energiyasi ishlab chiqarish 102 mlrd kVt·soatdan oshdi, isteʼmol esa 103 mlrd kVt·soatdan ortdi. Choʻqqi soatlarda manevr quvvatlari tanqisligi 800 MVt dan 2 GVt gacha boʻlib, qoʻshni davlatlar energiya tizimlari bilan parallel ishlash orqali qoplanadi.

Rejaga koʻra, 2026 yilda 1,27 GVt, 2027 yilda 2,5 GVt yangi quvvat ishga tushiriladi. 2029 yilgacha qoʻshiladigan 13,3 GVt dan 5,9 GVt qayta tiklanadigan energiya manbalariga toʻgʻri keladi. Xalqaro institutlar koʻmagida 2035 yilgacha energiya balansi yangilanadi.