Özbegistanda sowuk günlerde metan ýangyç doldurma stansiýalarynyň işi çäklendirilip biler

Özbegistanda howanyň temperaturasynyň ýiti peselmegi sebäpli, awtoulaglara gaz doldurýan kompressor stansiýalarynyň (metan ýangyç doldurma stansiýalary) işi wagtlaýyn çäklendirilip biler. Bu barada Energetika ministrligi habar berdi.

Ministrligiň maglumatyna görä, sowuk günlerde gaz üpjünçiliginde ilkinji nobatda ilatyň öýleri, mekdepler, bagçalar, hassahanalar we beýleki jemgyýetçilik obýektleri üpjün ediler. Zerurlyk ýüze çykanda möwsümleýin sarp edijilere, şol sanda metan ýangyç doldurma stansiýalaryna wagtlaýyn çäklendirmeler girizilip biler. Bu çäklendirmeler ýerli häkimliklere bilen ylalaşylan we tassyklanan grafiklere laýyklykda geçiriler, sarp edijiler öňünden duýduryljak.

Ministrlik we ulgam guramalary energiýa çeşmeleri bilen durnukly üpjünçilik üçin çäreler görýändiklerini, Daşkentde we beýleki sebitlerde ýylylyk möwsümini başlamak boýunça işleriň dowam edýändigini belläpdirler. Gaz üpjünçiligi boýunça meselelere 1104, gaz awariýalaryna 104, elektrik kesilmelerine 1154 gysga belgilerine ýüzlenip bolar. «Özgidromet» maglumatlaryna görä, 9–12-nojabr günleri Özbegistana sowuk we çygly howa massalarynyň girmegi garaşylýar; köp sebitlerde ýagyş, demirgazyk we daglyk sebitlerde bolsa gar ýagyp biler.