Energetika pudagy üçin 2050-nji ýla çenli Milli baş meýilnama taýynlanýar

Özbegistanda energetika pudagy üçin 2050-nji ýla çenli möhleti öz içine alýan Milli baş meýilnama ilkinji gezek taýynlanar we açyk yglan ediler, diýip UzA habar berýär. Prezident Şawkat Mirziýoýew häzirki wagtda ýangyç-energetika pudagyndaky maýadarlar bilen açyk gepleşik geçirýär.

Geljek ýylyň 1-nji martyna çenli elektrik toruna birikme mümkinçilikleri kartasy, 1-nji iýula çenli bolsa doly baş meýilnama hödürleniler. Resminamalarda haýsy sebitde elektrik isleginiň ösjegi, nähili infrastruktura zerurdygy we täze kuwwatlaryň nirede netijeli işlejegi görkezilér. Şu esasda maýadarlar hem öz meýilnamalaryny uzak möhletli düzüp bilerler.

“Ýaşyl” energiýa öndürijiler üçin sertifikatlardan we uglerod kreditlerinden goşmaça girdeji almak mümkinçiligi hem açylar. Bu peýdanyň döwlet we maýadarlar arasynda adalatly paýlanmagy üçin mehanizmler ornaşdyrylar. Bu prosesde halkara ekologiki borçnamalar we güýjünde bolan şertnamalar doly göz öňünde tutular.