Enerji sahəsi üçün 2050-ci ilədək Milli baş plan hazırlanır

Özbəkistanda enerji sahəsi üçün 2050-ci ilədək dövrü əhatə edən Milli baş plan ilk dəfə hazırlanacaq və açıq şəkildə elan ediləcək, UzA xəbər verir. Prezident Şavkat Mirziyoyev hazırda yanacaq-enerji sahəsindəki investorlarla açıq dialoq aparır.

Gələn ilin 1 martına qədər şəbəkəyə qoşulma imkanları xəritəsi, 1 iyuladək isə tam baş plan təqdim olunacaq. Sənədlərdə hansı regionda elektrik tələbinin artacağı, hansı infrastrukturun zəruri olduğu və yeni güclərin harada səmərəli işləyəcəyi göstəriləcək. Bu əsasda investorlar da planlarını uzunmüddətli şəkildə qura biləcək.

“Yaşıl” enerji istehsalçıları üçün sertifikatlar və karbon kreditləri hesabına əlavə gəlir əldə etmək imkanı da açılacaq. Bu faydanın dövlət və investorlar arasında ədalətli bölüşdürülməsi mexanizmləri tətbiq ediləcək. Prosesdə beynəlxalq ekoloji öhdəliklər və qüvvədə olan sazişlər tam nəzərə alınacaq.