Энергетика саласына арналған 2050 жылға дейінгі Ұлттық бас жоспар әзірленеді

Өзбекстанда энергетика саласы үшін 2050 жылға дейінгі Ұлттық бас жоспар алғаш рет әзірленіп, ашық түрде жарияланады, деп хабарлайды UzA. Президент Шавкат Мирзиёев қазір отын-энергетика саласындағы инвесторлармен ашық диалог өткізіп жатыр.

Келесі жылдың 1 наурызына дейін электр желілеріне қосылу мүмкіндіктерінің картасы, 1 шілдеге дейін толық бас жоспар ұсынылады. Құжаттарда қай аймақта электр энергиясына сұраныс өсетіні, қандай инфрақұрылым қажет екені және жаңа қуаттар қай жерде тиімді жұмыс істейтіні көрсетіледі. Осының негізінде инвесторлар да өз жоспарларын ұзақ мерзімге құра алады.

«Жасыл» энергия өндірушілер үшін сертификаттар мен көміртегі кредиттерінен қосымша табыс алу мүмкіндігі де ашылады. Осы пайданы мемлекет пен инвесторлар арасында әділ бөлу тетіктері енгізіледі. Бұл процесте халықаралық экологиялық міндеттемелер мен қолданыстағы келісімдер толық ескеріледі.