Papa etrabynda 105 mln dollarlyk logistika merkezi gurlup başlandy

Namangan welaýatynyň Papa etrabynda «A» kategoriýaly logistika merkeziniň ilkinji daşy goýuldy. Merkeziň bahasy 105 million ABŞ dollaryna barabar. Taslamany «Ipak Darwazasy» halkara logistika merkezi daşary ýurt bilelikdäki kärhanasy bilen bile, Russiýadan we Omandan hyzmatdaşlaryň gatnaşmagynda amala aşyrýar. Bu barada welaýat häkimliginiň habar gullugy habar berýär.

Merkez 35 gektar meýdanda ýerleşer. Onuň ýyllyk geçiriş ukyby 18 250 ýük awtomobilidir. Taslama çäginde 300 täze iş orny döredilmegi göz öňünde tutulýar, ýyllyk býudjet girdejisiniň 100 milliard somdan geçmegi meýilleşdirilýär.

Açylyş dabarasyna Namangan welaýatynyň häkimi Şawkatjon Abdurazzakow, daşary ýurt hyzmatdaşlary, gurluşykçylar we jemgyýetçilik wekilleri gatnaşdy. Häkim şeýle iri taslamalaryň welaýatyň ykdysadyýetini ösdürmekdäki ähmiýeti barada gürrüň berdi. Merkez halkara standartlary esasynda gurulýar we ulag-logistika infrastrukturasyny ösdürmäge, maýa goýum mümkinçiligini ýokarlandyrmaga, telekeçilik şertlerini gowulandyrmaga we ilatyň iş bilen üpjün edilmegine ýardam eder. Ulanyşa 2027-nji ýylyň IV çärýekinde berilmegi meýilleşdirilýär.