Наманган облусунда 105 млн долларлык логистикалык борбордун негизи коюлду

Өзбекстандын Наманган облусунун Папа районунда баасы 105 млн доллар турган «А» категориясындагы логистикалык борбордун негизи коюлду. Бул тууралуу облустун хокимиятынын маалымат кызматы кабарлады.

Долбоорду «Ипак дарбазасы» эл аралык логистикалык борбору ишке ашырат. Аны чет элдик биргелешкен ишкана Россиянын жана Омандын өнөктөштөрүнүн катышуусу менен жүзөгө ашырат. Борбор 35 гектар аянтта жайгашып, жылдык өткөрүү жөндөмдүүлүгү 18 250 жүк унаасын түзөт. Долбоор алкагында 300 жаңы жумуш орду түзүлүп, жыл сайын бюджетке түшкөн киреше 100 млрд сумдан ашат деп пландалууда.

Объект 2027-жылдын IV кварталында иштетүүгө берилет деп пландалууда. Аземге Наманган облусунун хокими Шавкатжон Абдураззаков, чет элдик өнөктөштөр, аксакалдар, курулушчулар жана коомчулук катышты. Хоким мындай ири долбоорлордун аймактын экономикасын өнүктүрүүдөгү ролу тууралуу айтты. Борбор эл аралык стандарттар боюнча курулууда.