Namanqan vilayətində 105 milyon dollarlıq logistika mərkəzinin təməli qoyulub

Özbəkistanın Namanqan vilayətinin Papa rayonunda dəyəri 105 milyon dollar olan A kateqoriyalı logistika mərkəzinin təməl daşı qoyulub. Xəbər vilayət hakimiyyətinin məlumat xidmətinin açıqlamasına əsaslanır.

Layihəni beynəlxalq "İpak Darvozası" logistika mərkəzi həyata keçirir. Xarici birgə müəssisə bu işdə Rusiya və Ommandan olan tərəfdaşlarla birlikdə çalışır. Mərkəz 35 hektar ərazidə yerləşəcək və illik 18 250 yük avtomobilinin buraxılış qabiliyyətinə malik olacaq. Layihə çərçivəsində 300 yeni iş yeri yaradılması və illik büdcə daxilolmalarının 100 milyard somu aşması planlaşdırılır.

Obyektin 2027-ci ilin IV rübündə istismara verilməsi nəzərdə tutulub. Mərasimdə Namanqan vilayətinin hakimi Shavkatjon Abdurazzakov, xarici tərəfdaşlar, ağsaqqallar, inşaatçılar və ictimaiyyət iştirak edib. Hakim belə iri layihələrin regionun iqtisadiyyatının inkişafındakı rolundan danışıb. Mərkəz beynəlxalq standartlar üzrə tikilir.