Azerbaýjanda döwlet mekdeplerinde okuwçy başyna ýyllyk çykdajylar kesgitlenildi

Azerbaýjanda döwlet umumy bilim beriş edaralarynyň jan başyna esaslanan maliýeleşdirilişi düzgünleri tassyklandy. Karary Azerbaýjanyň Premýer-ministri Ali Asadow gol çekdi.

Bir okuwçy üçin ýyllyk esasy çykdajylar 2 000 bilen 3 000 manat aralygynda bellenildi. Doly orta mekdep üçin 2 000 manat, liseý we gimnaziýa üçin 2 200 manat, umumy internat mekdebi üçin 2 500 manat, internat görnüşli liseý we gimnaziýa üçin 3 000 manat göz öňünde tutuldy.

Görkezilen mukdarlar esasy bahalardyr. Bilim derejesine görä, Ministrler Kabineti tarapyndan tassyklanan düzgünlere laýyklykda olara artdyryjy koeffisiýentler ulanylar.