Ozarbayjonda davlat maktablari oʻquvchisi uchun yillik xarajatlar belgilandi

Ozarbayjonda davlat umumiy taʼlim muassasalarini aholi jon boshiga hisoblangan tamoyil asosida moliyalashtirish qoidalari tasdiqlandi. Qarorni Ozarbayjon Bosh vaziri Ali Asadov imzolagan.

Har bir oʻquvchi uchun yillik asosiy xarajatlar 2 000 dan 3 000 manatgacha belgilangan. Toʻliq oʻrta maktab uchun 2 000 manat, litsey va gimnaziya uchun 2 200 manat, umumiy internat maktabi uchun 2 500 manat, internat turidagi litsey va gimnaziya uchun 3 000 manat ajratiladi.

Koʻrsatilgan summalar asosiy hisoblanadi. Taʼlim bosqichiga qarab, Vazirlar Mahkamasi tomonidan tasdiqlangan qoidalarga muvofiq ularga oshiruvchi koeffitsiyentlar qoʻllanadi.