Azərbaycanda dövlət məktəblərində şagird başına illik xərclər müəyyən edildi

Azərbaycanda dövlət ümumtəhsil müəssisələrinin adambaşına düşən prinsip əsasında maliyyələşdirilməsi qaydaları təsdiq edilib. Qərarı Azərbaycanın Baş naziri Əli Əsədov imzalayıb.

Bir şagird üzrə illik baza xərcləri 2 000 ilə 3 000 manat arasında müəyyən edilib. Tam orta məktəb üzrə 2 000 manat, lisey və gimnaziya üzrə 2 200 manat, ümumi təyinatlı internat məktəbi üzrə 2 500 manat, internat tipli lisey və gimnaziya üzrə 3 000 manat nəzərdə tutulub.

Göstərilən məbləğlər baza xarakterlidir. Təhsil pilləsindən asılı olaraq, Nazirlər Kabineti tərəfindən təsdiq edilən qaydalara uyğun olaraq bu məbləğlərə artırıcı əmsallar tətbiq olunacaq.