Әзербайжанда мемлекеттік мектеп оқушысына жылдық шығындар бекітілді

Әзербайжанда мемлекеттік жалпы білім беру мекемелерін жан басына шаққандағы қағидат бойынша қаржыландыру ережелері бекітілді. Қаулыға Әзербайжан премьер-министрі Әли Асадов қол қойды.

Бір оқушыға жылына жұмсалатын негізгі шығын 2 000-нан 3 000 манатқа дейін болады. Толық орта мектепке 2 000 манат, лицей мен гимназияға 2 200 манат, жалпы интернат мектебіне 2 500 манат, интернат түріндегі лицей мен гимназияға 3 000 манат белгіленеді.

Көрсетілген сомалар негізгі болып табылады. Оларға жалпы білім беру сатысына байланысты Министрлер кабинеті бекіткен ережелерге сай арттыру коэффициенттері қолданылады.