Ilham Aliýew: halkymyzyň hukuklarynyň bozulmagyna hiç haçan razy bolmazdyk

Prezident Ilham Aliýew soňky ýyllarda esasy maksadyň Azerbaýjanyň çägärleriniň bitewiligini dikeltmek we Ermenistan tarapyndan basylyp alnan sebitleri azat etmekdigini belläp geçdi. "Report" habar berişine görä, prezident muny Bakuda "Umumy geljek hatyrasyna dialog" temasyndaky VII Bütindünýä medeniýetara dialog forumynyň açylyş dabarasynda çykyşynda aýdypdyr.

Ol ýyllar boyunca geçirilen gepleşikleriň hiç hili netijä getirmändigini, gepleşikleriň formatynyň konfliktiň çözülmegine däl-de, dondurulmuş ýagdaýda galmagyna gönükdirilendigini belledi. Onuň sözlerine görä, uly döwletler bu meselede konsensusa gelipdir, ýöne Azerbaýjan halkynyň we hökümetiniň meýilnamalary barada ýalňyş hasaplama edipdirler.

Basylyp alnan ýurt hökmünde halkymyzyň adaty adam hukuklarynyň bozulmagy bilen hiç haçan ylalaşmajakdygyny aýdan Ilham Aliýew, Azerbaýjanyň hiç haçan umydyny ýitirmändigini habar berdi. Gepleşikleriň netijesiz galanyny görüp, Azerbaýjanyň BMG-niň Düzgünnamasynyň 51-nji maddasyna esaslanyp duşmany ýeňendigini we ýyllap basylyp alnan çägelerini azat edendigini aýtdy. Prezident BMG-niň Howpsuzlyk Geňeşiniň 1993-nji ýylda kabul eden, Ermenistan goşunlarynyň doly çekilmegini talap edýän kararlarynyň diňe kagyzda galandygyny goşdy.