Ilhom Aliyev: xalqimiz huquqlari poymol etilishiga hech qachon kelishmasdik

Prezident Ilhom Aliyev soʻnggi yillarda asosiy maqsad Ozarbayjonning hudud yaxlitligini tiklash hamda Armaniston tomonidan bosib olingan hududlarni ozod qilish boʻlganini taʼkidladi. "Report" xabar berishicha, u bu fikrlarni Bokuda "Birgalikdagi kelajak uchun muloqot" mavzusidagi VII Jahon madaniyatlararo muloqot forumining ochilish marosimida bildirgan.

Prezidentning aytishicha, yillar davomida olib borilgan muzokaralar hech qanday natija bermagan, muzokaralar formati esa nizoni hal etish oʻrniga uni muzlatilgan holatda saqlashga qaratilgan. U buyuk davlatlar bu masalada konsensusga kelganini, ammo Ozarbayjon xalqi va hukumatining rejalari borasida xato hisob-kitob qilganini aytdi.

Ilhom Aliyev bosib olingan davlat sifatida xalqimizning oddiy inson huquqlari buzilishi bilan hech qachon kelishmasligini taʼkidladi. Uning soʻzlariga koʻra, Ozarbayjon hech qachon umidini yoʻqotmagan; muzokaralar natija bermayotganini koʻrib, BMT Nizomining 51-moddasiga asoslanib, dushmanni magʻlub etgan va yillar davomida bosib olingan hududlarini ozod qilgan. Prezident BMT Xavfsizlik Kengashining 1993-yilda qabul qilgan, Armaniston qoʻshinlarining toʻliq chiqarilishini talab qilgan qarorlari faqat qogʻozda qolganini qoʻshimcha qildi.