Ильхам Алиев: элибиздин укуктарынын бузулушуна эч качан макул болбойбуз

Азербайжан Президенти Ильхам Алиев акыркы жылдары негизги максат Азербайжандын аймактык бүтүндүгүн калыбына келтирүү жана Армения басып алган аймактарды бошотуу болгонун айтты. Report.az кабарлашынча, ал бул пикирин Бакуда «Бирге келечек үчүн диалог» темасында өткөн VII Дүйнөлүк маданияттар аралык диалог форумунун ачылыш аземинде билдирген.

Президенттин айтымында, жылдар бою жүргүзүлгөн сүйлөшүүлөрдүн эч кандай натыйжасы болгон эмес, ал эми сүйлөшүүлөрдүн формату конфликтти чечүүнүн ордуна аны тоңдурулган абалда калтырууга багытталган. Ал ири державалар бул маселеде консенсуска келгенсиген, бирок Азербайжан элинин жана өкмөтүнүн пландарына карата жаңылыш эсептөө жасашканын айтты.

Басып алынган өлкө катары элибиздин жөнөкөй адам укуктарынын бузулушу менен эч качан макул болбойбуз, деген Ильхам Алиев Азербайжан эч качан үмүтүн жоготкон эмес деп билдирди. Сүйлөшүүлөрдүн натыйжа бербей жатканын көргөндөн кийин, Азербайжан БУУнун Уставынын 51-беренесине таянып, душманды жеңип, жылдар бою басып алынган аймактарын бошоткон. Президент БУУнун Коопсуздук Кеңешинин 1993-жылы кабыл алган, Армения аскерлеринин толук чыгарылышын талап кылган чечимдеринин кагаз жүзүндө гана калганын кошумча айтты.