Ильхам Әлиев: халқымыздың құқықтарының бұзылуымен ешқашан келіспес едік

Әзербайжан Президенті Ильхам Әлиев соңғы жылдары басты мақсат Әзербайжанның аумақтық тұтастығын қалпына келтіру және Армения басып алған жерлерді азат ету болғанын айтты. Report.az хабарлағандай, ол бұл пікірді Бакуде «Ортақ болашақ үшін диалог» тақырыбындағы VII Дүниежүзілік мәдениетаралық диалог форумының ашылу рәсімінде білдірген.

Президент жылдар бойы жүргізілген келіссөздердің нәтиже бермегенін, ал келіссөз форматының қақтығысты шешудің орнына оны мұздатылған күйде қалдыруға бағытталғанын атап өтті. Оның айтуынша, ірі державалар бұл мәселеде консенсусқа келгенге ұқсайды, бірақ Әзербайжан халқы мен үкіметінің жоспарлары туралы қате есептеу жасаған.

Басып алынған ел ретінде халқының қарапайым адам құқықтарының бұзылуымен ешқашан келіспейтіндерін айтқан Ильхам Әлиев, Әзербайжанның ешқашан үмітін жоғалтпағанын мәлімдеді. Келіссөздердің нәтиже бермейтінін көргендіктен, Әзербайжан БҰҰ Жарғысының 51-бабындағы өзін-өзі қорғау құқығына сүйеніп, жаумен күресіп, жылдар бойы басып алынған жерлерін азат еткен. Президент БҰҰ Қауіпсіздік кеңесінің 1993 жылы қабылдаған, Армения әскерлерінің толық шығарылуын талап еткен қарарларының тек қағаз жүзінде қалғанын қосты.