Gazagystanyň Premýer-ministri Bektenow inflýasiýany peseltmek boýunça tabşyryklar berdi

Gazagystanyň Premýer-ministri Olžas Bektenow inflýasiýany saklamak we has-da peseltmek üçin döwlet edaralaryna birnäçe tabşyryk berdi. Ol Prezident Kasym-Žomart Tokaýewiň “Gazagystanyň täze taryhy döwürdäki möhüm wezifeleri” atly Ýüzlenmesini amala aşyrmaga bagyşlanan hökümet mejlisinde çykyş etdi.

Bektenow ulgamly çäreleriň zerurdygyny we “muňa ähli mümkinçilikleriň bardygyny” belledi. Milli ykdysadyýet ministrligi Milli bank bilen bilelikde 20-nji noýabra çenli inflýasiýany peseltmäge we hakyky girdejileri ýokarlandyrmaga gönükdirilen salgyt-býujet we pul-karz syýasatynyň utgaşdyrylmagy boýunça çäreleri taýýarlamaly.

Akimatlar azyk önümleriniň bahalaryny durnuklaşdyrmak çäreleriniň netijeliligini hepdede bir gezek gözegçilikde saklamaly. Söwda we integrasiýa ministrligi sebitleriň akimatlary bilen bilelikde jemgyýetçilik taýdan möhüm azyk önümlerine bolan iň ýokary söwda goşulmalaryna gözegçiligi güýçlendirer. Iki hepdäniň dowamynda söwda, integrasiýa we oba hojalygy ministrlikleri gyş üçin ýeterlik azyk gorlaryny döretmeli, durnuklaşdyryş gorlaryny işjeňleşdirmeli we gönüden-göni azyk üpjünçiligini giňeltmeli.