Казакстандын Премьер-министри Олжас Бектенов инфляцияны азайтуу боюнча тапшырма берди

Казакстандын Премьер-министри Олжас Бектенов инфляцияны тейөө жана андан ары азайтуу боюнча мамлекеттик органдарга бир катар тапшырмалар берди. Ал Президент Касым-Жомарт Токаевдин “Казакстандын жаңы тарыхий циклдеги актуалдуу милдеттери” деген Жолдоосун ишке ашыруу боюнча Өкмөттүн жыйынында сөз сүйлөдү. Бектеновдун айтымында, Жолдоодо туруктуу экономикалык өсүштү камсыздоого, инвестициялык климатты жакшыртууга жана мамлекеттик аппараттын натыйжалуулугун жогорулатууга өзгөчө көңүл бурулган.

Премьер системалуу чараларды көрүү зарылдыгын белгилеп, “Муну ишке ашыруу үчүн бардык мүмкүнчүлүктөр бар” деди. Улуттук экономика министрлигине Улуттук банк жана мамлекеттик органдар менен бирге 20-ноябрга чейин инфляцияны азайтууга жана элдин реалдуу кирештерин жогорулатууга багытталган салык-бюджет жана акча-насыя саясатынын координациясын күчөтүү боюнча чараларды иштеп чыгуу тапшырылды.

Акимияттар азык-түлүк бааларын турукташтыруу чараларынын натыйжалуулугун жумасайын көзөмөлдөп турушу керек. Соода жана интеграция министрлигине облустардын акимияттары менен бирге, социалдык маанилүү азык-түлүк товарларына карата чектеги соода үстөк акысын сактоого көзөмөлдү күчөтүү тапшырылды. Эки жуманын ичинде соода, интеграция жана айыл чарба министрликтери кышкы мезгил үчүн азык-түлүктүн жетиштүү запасын түзүүсү, туруктандыруу фонддорунун ишин жандандыруусу жана түздөн-түз азык-түлүк жеткирүүнү кеңейтиши керек.