Erdogan Sadyr Japarowa Gyrgyzystandaky prezident saýlawlarynda üstünlik arzuw etdi

Gyrgyzystanyň Prezidenti Sadyr Japarow 30-njy oktýabrda Ankarada Türkiýäniň Prezidenti Recep Tayyip Erdogan bilen gepleşik geçirdi. Döwlet baştutanynyň metbugat gullugynyň habaryna görä, taraplar ikitaraplaýyn hyzmatdaşlygyň häzirki meselelerini we gyrgyz-türk gatnaşyklaryny has-da pugtalandyrmagyň geljegini maslahatlaşdylar.

Japarow türk tarapyna ýylgyn garşylama we Türki döwletleriň guramasynyň sammitiniň ýokary derejede guralandygy üçin minnetdarlyk bildirdi hem-de türk halkyny Respublika güni bilen gutlady. Ol Gyrgyzystanyň Türkiýe bilen hemmetaraply strategiki hyzmatdaşlygy berkitmäge gyzyklanýandygyny nygtady.

Türk metbugatynyň habar bermegine görä, Erdogan iki ýurduň söwda we maýa goýum mümkinçiliklerini durmuşa geçirmek üçin çäre görmegiň zerurlygyny, goranyş senagaty we energetika ugrunda hyzmatdaşlygyň ähmiýetini belleýär. Ol şeýle hem noýabr aýynda Antalýada geçiriljek COP31 sammitine Japarowy çagyrdy we Gyrgyzystanda 27-nji ýanwarda geçirilmegi meýilleşdirilen prezident saýlawlarynyň üstünlikli geçmegini arzuw etdi.