Ердоған Жапаровқа Қырғызстандағы президенттік сайлаудың сәттілігін тіледі

Қырғызстан Президенті Садыр Жапаров 30 қазанда Анкарада Түркия Президенті Режеп Тайып Ердоғанмен келіссөз жүргізді. Мемлекет басшысы әкімшілігінің баспасөз қызметінің мәліметінше, тараптар екіжақты ынтымақтастықтың өзекті мәселелерін және қырғыз-түрік қатынастарын одан әрі нығайту перспективаларын талқылады.

Жапаров түрік тарапына жылы қабылдауы және Түркі мемлекеттерінің ұйымы саммитін жоғары деңгейде ұйымдастыруы үшін алғыс білдірді, сондай-ақ түрік халқын Республика күнімен құттықтады. Ол Қырғызстанның Түркиямен жан-жақты стратегиялық серіктестікті одан әрі нығайтуға мүдделі екенін атап өтті.

Түрік БАҚ-тың хабарлауынша, Ердоған екі елдің сауда және инвестиция әлеуетін іске асыру үшін шаралар қабылдау қажеттігін, сондай-ақ қорғаныс өнеркәсібі мен энергетика саласындағы ынтымақтастықтың маңыздылығын атап өтті. Ол Түркі мемлекеттерінің ұйымының жаңа кезеңде шешуші қадамдар жасайтынына сенім білдірді. Ердоған Жапаровты қараша айында Анталияда өтетін COP31 әлем көшбасшыларының саммитіне шақырып, Қырғызстанда 27 қаңтарға жоспарланған президенттік сайлаудың сәтті өтуін тіледі.