Erdoʻgʻan Sadir Japarovga Qirgʻizistondagi prezidentlik saylovlarida omad tiladi

Qirgʻiziston Prezidenti Sadir Japarov 30 oktyabr kuni Anqarada Turkiya Prezidenti Rajab Toyip Erdoʻgʻan bilan muzokaralar oʻtkazdi. Davlat rahbari matbuot xizmatining xabariga koʻra, tomonlar ikki tomonlama hamkorlikning dolzarb masalalari hamda qirgʻiz-turk munosabatlarini yanada mustahkamlash istiqbollarini muhokama qilgan.

Japarov turk tomoniga iliq qabul va Turkiy davlatlar tashkilotining yuqori darajada tashkil etilgan sammiti uchun minnatdorchilik bildirdi hamda turk xalqini Respublika kuni bilan tabrikladi. U Qirgʻizistonning Turkiya bilan keng qamrovli strategik sherikligini mustahkamlashga qiziqish bildirganini taʼkidladi.

Turk ommaviy axborot vositalarining xabar berishicha, Erdoʻgʻan ikki mamlakat savdo va investitsiya salohiyatini ishga solish choralari koʻrish zarurligini, mudofaa sanoati va energetika sohasidagi hamkorlikning muhimligini taʼkidlagan. U shuningdek, noyabr oyida Antaliyada boʻlib oʻtadigan COP31 sammitiga Japarovni taklif qilgan hamda Qirgʻizistonda 27 yanvarda oʻtkazilishi rejalashtirilgan prezidentlik saylovlarining muvaffaqiyatli oʻtishini tilagan.